Ձմրան պարզ գիշեր

Համբույրիդ, գիշեր, պատուհանս բաց է,

Թող որ լիառատ ծծեմ` հեշտագին

Կաթը` մեղմահոս լույսիդ տարփանքին`

Ու զով շաղերուդ կախարդանքը թաց:

Պարզ, լուսածածան, հրաշալի գիշեր,

Հոսե' սրտիս մեջ դյութանքիդ ալիք.

Ճերմակ երազիդ ցայտքերն մեղրիկ

Պուտ-պուտ կաթեցուր հոգվույս սիրաջեր:

Կուզեմ, որ դադրին ձայներն այս պատիր,

Ու նեկտարիդ դողն ըմպեմ ես ագահ,

Կուզեմ որ մեռնին տիվ ու ժամանակ`

Ու դաբիրներուդ իյնամ ծնրադիր:

Ու դաբիրներուդ իյնամ ծնրադիր,

Այս պաղատագին շարճուձևիս մեջ,

Ու մինչ կողողեն զիս ցոլքերդ անշեջ,

Աչքերս ալ մոռնան տակավ այս նատիր:

Ցնորաբեր գիշեր, ահ, ընդունե զիս,

Ընդունե, միստիք ով անդորրություն,

Իմ աղերսակոծ շունչիս սոսավյուն,

Եվ համբույրն անանց` զոր կու տա հոգիս:

Սենյակս է լեցուն հուշքերովն աղի

Երեկի հովին վայրագ տարփանքին.

Ու դեռ  կը հծծեն խորշերն ողբագին

Վախը գրգանքին անոր կատաղի:

Ներս խուժե ուժգին, ներս պատուհանես

Ու լեցուր խցիկս, մինչև կաթոգին

Քու սրբությունով իր խորշերն հորդին,

Եվ ես արթննամ վաղնջուց քունես:

Համբույրիդ, գիշեր, պատուհանս բաց է,

Թող որ լիառատ ծծեմ` հեշտագին

Կաթը` մեղմահոս լույսիդ տարփանքին`

Ու զով շաղերուդ կախարդանքը թաց: